תאווה לנה/ רבי יוסף אבן צדיק

תַּאֲוָה לָנֶה / בַלֵּב כְּאֵשׁ מְצָאתִיהָ,

בַּעֲבוּר עֵינֵי / דוֹד מֵאֲזַי נְשָׂאתִיהָ.

כַּאֲשֶׁר שָׂנֵא / נַפְשִׁי – אֲנִי שְׂנֵאתִיהָ,

כִּי עֲצַת זִמָּה / לֶאְהֹב אֲשֶׁר צְבִי יִשְׂנָא!

לֹא יְחָנֵנִּי / דוֹדִי – בְּעֵת אֲחַנֶּן לוֹ

קוֹל, וְיַעְנֵנִי / קָשׁוֹת – בְּנַשְּׁקִי רַגְלוֹ,

רַק יְעַנֵּנִי / חִנָּם, אֲבָל לְבָבִי לֹא

יַחֲשֹׁב אַשְׁמָה / לוֹ עַל דְּבַר אֲשֶׁר עִנָּה.

הִנְנִי נִמְכָּר, / עָפְרִי, לְךָ בְלִי הָפְדֵּה

קַח לְךָ אֶשְׁכָּר – / לִבִּי וְאַל לְרִיק תִּרְדֶּה

בִי, וְעַד אֶשְׁכַּר / מִחִכְּךָ דְבַש אֶרְדֶּה.

גַּם בְּעֵת אֶצְמָא / אֶמְצָא בְרֻקְּךָ צִנָּה.

זֶה לְבַד שִׁמְשִׁי – / דּוֹד הֶעֱבִיד לְבָבִי לוֹ:

מִהְיוֹת חָפְשִׁי / לִבִּי רְצַע לְהֵחַלּוֹ!

יָדְעָה נַפְשִׁי / כִּי מִמְּךָ לְהָרְגִי לֹא

הָיְתָה עָרְמָה,/ אַךְ אֵל לְיָדְךָ אִנָּה.

מִבְּכִי אַחִים / עַל הַלְּחִי בְדֹלָחִים

יָרְדוּ לַחִים / חַמִּים כְּגַחֲלֵי אָחִים

נָא בְתַפּוּחִים / דַּל רַפְּדוּ, וְלִרְמָחִים

מִשְּׁדֵי עַלְמָה / לִבִּי שְׂאוּ בְעַד צִנָּה.

יוֹם עֲלֵי דַלְתָּהּ / שׁוֹקֵד צְבִי וּמִתְדַּפֵּק

מֵחֲדַר שִׁבְתָּהּ / תִּשָּׂא בְקוֹל, וְתִתְרַפֵּק

עַל יְלָדַתָּה – / לֹא אוּכְלָה לְהִתְאַפֵּק:

כפרי מאמה / מי אלחביב אשתא דיאנה.